دايم السيف@

موضوع: دايم السيف@ الثلاثاء مارس 25, 2008 12:53 pm

اعضاء المنتدى

مساء الخير

دايم السيف

سلام مني سلام سامي من سلم الاسلام
تسليم مسلم سلام الصدق من قلبه يقوله
يادايم السيف دام العز لك يا سيدي دام
سلمت يا معرب الجدين ياساس البطوله
ياخالد الفيصل اسمك خالد بصفحات الايام
في قمة المجد عزك لاح ما واحد يطوله
أمير شاعر سياسي دبلوماسي شهم رسام
للمرجله والعلى والطايله دايم ميوله
حقق لامارة عسير ومن سكنها كل الاحلام
لبّس جبال السراه أزهى الحلل منذ وصوله
العسر فيها تيسر وانتهى في عدة أعوام
وشم الرواسي العسيره ما تهيأ بالسهوله
واختاره القايد الاعلى ملكنا عدل الاحكام
أمير في منطقة مكة ومن فيها دعوا له
يا مرحبا ياوسيع العرف ما خطن الاقلام
ترحيبة الوسم لا بكّر وجاب الله سيوله
جمعت زين الصفات الطيبة يا عالي الهام
حلم وتواضع وعزم وحزم وايمان ورجوله
عندك طموح كبير وفكر واعي عندك الهام
ويطيعك الصعب بامر الله تجي عندك حلوله
انته عدو الجهل والظلم والحيره والاوهام
وتحارب بسيفك الارهاب والنفس الجهوله
وانته ولد فيصل الاسلام من بالحرب مقدام
سطر على صفحة التاريخ من طيبه فعوله
ذاك الامام الحكيم اللي ظهر من روس حكام
للمجد والعز والطولات مسرجة خيوله
وجدك معزي عزيز النفس قِدم الخصم ضرغام
مرحوم ياللي بنى بالعدل له ديره ودوله
مؤمن بربه تقي صوام للرحمن قوام
أسمى السمات النبيلة فيه من عصر الطفوله
يالله يا مطلع ياللي بسر الغيب علام
في يدك تدبير كونك يالولي عرضه وطوله
يالواحد الباري الفرد الصمد يا جال الاظلام
يا من عباده بتوحيده وطاعته اسجدوا له
طوّل حياة الامير اللي حمل من طيبه وسام
يشيل حمله لحاله لو ثقيلات حموله
شيخٍ عصامي لمن ينصاه ذخر ودرع وحزام
يعيش ابو بندر المحبوب عزوة من لجو له
ما يكتفي في تقارير وكلام وقول واعلام
يزور مدن وقرى ومحافظات بكل جوله
وصلاة ربي عدد من كبر وصلى ومن صام
على النبي الامين الهاشمي عبده رسوله

النقيب باني بن عبدالله بن هويد البقمي

وتقبلوا تحياتي

يعطيك العافيه
على النقل

الجميييييييييييل

اخوك

كاكا

شوووهد ما سبق

كاكا

مشكور على الرد